MAKTAB TA’LIMIGA GADJETLARNING SALBIY TA’SIRI VA UNI KAMAYTIRISH STRATEGIYALARI

Abstract

Mazkur ilmiy maqolada maktab o‘quvchilarining ta’lim jarayonida gadjetlardan ortiqcha foydalanishi natijasida yuzaga kelayotgan muammolar va ularning ta’lim sifati hamda intellektual rivojlanishiga ta’siri tahlil qilingan. Shuningdek, gadjetlarga qaramlik bolalarning sog‘lig‘iga, jumladan, ko‘rish qobiliyatining pasayishi va jismoniy faollikning kamayishiga olib kelayotganligi o‘rganilgan. Maqolada AQSh, Janubiy Koreya, Yaponiya, Germaniya va Finlandiya kabi rivojlangan mamlakatlarning maktab ta’limida gadjetlardan foydalanishni cheklash bo‘yicha tajribalari o‘rganilib, O‘zbekiston sharoitida amalga oshirish mumkin bo‘lgan samarali strategiyalar taklif qilingan. Maqola davomida ta’lim sifati va bolalarning akademik natijalarini yaxshilash maqsadida gadjetlardan foydalanishni tartibga solish, ota-onalar nazoratini kuchaytirish kabi yechimlar taklif etilgan. Xalqaro tajribalarga asoslanib, gadjetlarning ta’limga salbiy ta’sirini minimallashtirish bo‘yicha amaliy tavsiyalar ishlab chiqilgan.