SUN'IY INTELLEKTNING AHOLI BANDLIGIGA VA IQTISODIYOTNING O'SISHIGA TA'SIRI

Abstract

Ushbu maqolada sun’iy intellekt texnologiyalarining iqtisodiyot va mehnat bozoriga ta’siri tahlil qilingan. Sun’iy intellektning rivojlanishi va kengayishi global iqtisodiy o‘sish va ishchi kuchining shakllanishiga sezilarli ta'sir ko'rsatmoqda. Maqolada sun’iy intellekt texnologiyalarining mehnat bozoridagi o'zgarishlar, xususan, ish o‘rinlarining yaratilishi va yo‘qolishiga qanday ta’sir qilayotgani, shuningdek, bu jarayonlarning iqtisodiy o‘sishga qanday ta’sir qilishi haqida batafsil tahlil berilgan. Sun’iy intellekt texnologiyalari yangi kasblarning paydo bo‘lishiga, shuningdek, mavjud kasblarda o‘zgarishlarga sabab bo‘lmoqda. Maqolada sun’iy intellektning ishlab chiqarish samaradorligini oshirish, innovatsiyalarni rivojlantirish va global iqtisodiy integratsiyani kuchaytirishdagi ro‘li ham ko‘rib chiqilgan. Shuningdek, sun’iy intellekt texnologiyalarining iqtisodiy tengsizlik va mintaqaviy farqlarga ta’siri ham tahlil qilingan. Xulosa qilib aytganda, maqolada sun’iy intellektning iqtisodiyot va aholi bandligi o‘zgarishlariga ijobiy va salbiy ta’sirlari, shuningdek, ularni boshqarish va muvozanatlash uchun zarur siyosiy va ijtimoiy choralar haqida gapirilgan.